യാത്രകൾ പോകണം…. ഇതുവരെ കാണാത്ത നാടുകൾ തേടി. ജിജ്ഞാസ ആയിരിക്കണം എന്നെ മുന്നോട്ട് നയിക്കേണ്ടത്. പോകുന്നിടത്തെല്ലാം നല്ല സുഹൃത് ബന്ധങ്ങൾ സ്ഥാപിക്കണം. ഇതുവരെ അറിഞ്ഞിട്ടില്ലാത്ത ഭക്ഷണങ്ങളുടെ രുചികൾ അറിയണം.കാടു കയറണം, മലമുകളിൽ തെളിഞ്ഞ ആകാശത്തിലെ മിന്നുന്ന നക്ഷത്രങ്ങളെ നോക്കി കിടക്കണം, ഉയരങ്ങളിൽ മേഘങ്ങൾക്കും മുകളിൽ ഇരുന്നു ഉദയ സൂര്യനെ കാണണം. ജീവിതം സാഹസികതകൾ കൊണ്ട് നിറയ്ക്കണം. കുറെ നിറമുള്ള ഓർമ്മകൾ മനസ്സിൽ സൂക്ഷിക്കണം.
